Les mots surlignés font l'objet d'une note
1Monsieur de Gordes, ayant entendu que ung nommé le sieur de Vantevon usurpe
2iniustement certaines pièces de terre qui dependent de labbaye de Clauzane
3dont est pourveu messire Gerard Brouet mon medecin, et scachant le moyen et
4pouvoir que vous avez sur ledit de Vantevon pour en faire avoir la raison à mondit
5medecin, comme sur cellui qui est soubz votre gouvernement, je vous prieray bien
6affectueusement, monsieur de Gordes, outre la lettre que jescriptz audit Ventevon,
7voulloir en cest endroict imterposer lautorité que vous avez par dela et faire en sorte
8envers luy que le plustost et par la voye amiable, il fasse restitution desdites
9terres commil appartient, autrement où il usera de dissimulation, je prendray
10ce faict en main pour en faire poursuytte allencontre de luy, comme se cela
11me touchoit particulièrement ; et masseurant que pour lamour de moy vous
12vous y employerez bien voluntiers, je ne vous en feray ceste plus longue, que
13devous asseurer que vous me ferez plaisir bien aggreable en ce faisant et de
14prier le Createur vous donner, monsieur de Gordes, ce que plus desirez. A
15Paris, le XIIIIe jour d’aoust 1571
16Votre bien bon amy
17C. cardinal de bourbon
18Monsieur de Gordes, encores que je desire avoir
19responce dudit de Ventavon, je vous prie bien fort
20me faire encores ce plaisir de luy faire tenir ma
21lettre cy encloze par quelque commodité que vous pouvez
22avoir, et faire retirer de luy ladite responce que vous
23menvoyerez sil vous plaist au plustost, car sil
24nest sollicité de cela, il pourroit faire semblant
25de navoir receu madite lettre